Pareto de intermedios

Bueno, nestas datas fará 3 meses que escomencei nesto do intermedio que debe ser do pouco ben definido na administración sanitaria; e coido que é pouco tempo para tirar conclusions mais sí para facer algunha reflexión de cóme é este aspecto do traballo e porqué semella que custa tanto avanzar nunha determinada dirección.

O certo é que o tempo da xornada laboral cumpre un esquema semellante a unha distribución de Pareto mais non un simple 80-20 senon un 80-15-5 de tal xeito que só un 5% do tempo da xornada se pode adicar ó pensamento prospectivo ou de calado que será o que acaba por levar a trocos palpables. Un 15% se adican a esas tarefas de responsabilidade directa do cargo: confección de pedido, revisión de almacenaxe, confección de listas, revisión de datos retrospectivos... moitas veces "cuadrando circulos" e outras dando un toque formal a algo que é coñecido dabondo por tod@s. Pero, onde vai o 80% do tempo? pois vai de bombeiro e non me refiro a poñer bombas senon a 'apagar lumes'; miríadas de lumes que xurden no longo da concatenación de multitude de procesos aparentemente simples mais deseñados cada un por un efector sin ter en conta ós outros efectores ou, o que é peor, ós doentes.

Pareto tamén describiu un principio de eficiencia moi interesante para a toma de decisions que ven a dicir que sempre chega un punto no que non é posible introducir melloras nun sistema sen causar perxuizo algún dos seus elementos ou visto de outro xeito a mellor decisión á hora de optimizar un proceso sempre é a que menos prexuizos produce valorando dende o punto de vista da utilidade.