Unha visita precisa

Nas guías de Londres figura un museo que todo profesional da enfermería non debera deixar de visitar o de Florence Nightingale no recinto do hospital de Saint John xusto na outra ribeira do río Támesis fronte por fronte coas “Houses of parliament” de Westminster.

Xa fai un tempo que lle enviei ós contactos da miña lista de correos unha reseña biográfica publicada pola revista española de estatística que revelaba a grandísima capacidade analítica e unha preparación fora do común non só para aquela época senón para moito tempo despois; o que se pode aprender no museo non fai mais ca demostrar que unha figura excepcional non se fai da nada e si ben é certo que procedía dunha familia con posibilidades e con espírito aberto. De feito, como se sabe, naceu en Florencia durante una longa viaxe dos seus pais que xa tiveran outra nena (a irmá maior de Florence) no Peloponeso.
A súa formación, tras unha tentativa ó estilo clásico, foi ó cargo do seu pai que lle deu coñecementos sobre matemáticas, estatística, física etc. E a levaron de viaxe por toda Europa. Fala o museo das diferencias que había entre as dúas irmás, das súas diferentes visións e de como a moza Florence tomou a decisión de formarse como enfermeira na Alemaña e do seu primeiro traballo.

Mais o que realmente centra o museo é a impresionante labor que realizou no conflicto de Crimea todo ilustrado con disporamas, esquemas e paneis con información dobre os aspectos militares e loxísticos desa guerra e o decisivo papel dos plantexamentos da nosa protagonista na reducción da mortalidade nos hospitais de campaña que era superior á da propia fronte. Todo elo foi documentado e divulgado polo primeiro correspondente de prensa nunha fronte de guerra o que catapultou a Florence a un papel non desexado e a levou a ocultar a súa identidade ó voltar a Inglaterra.

O mais interesante da visita o constituíu a cantidade de cativ@s que acudían ó museo e ollaban cos ollos coma pratos á unha moza que, ataviada coa roupa da época, diante dunha reproducción da habitación de Florence lles contaba a súa vida e as vicisitudes i experiencia naquela guerra lonxana.

Bueno, que espero que podades aproveitar coma nós esa oportunidade e vos impregnedes un pouco do seu espiritu.