Humanización estragada

A verdade é que a nova sobre o avance do plano de humanización do parto non merece ser estragada dun xeito tan pouco riguroso.

O programa; que tenta dar unha dimensión mais humana ó momento do nacemento sen perderen de vista as espectativas e deberes de seguridade para recen nado e nai e a necesaria integración d@ acompañante no intenso i emotivo intre do alumeamento mais tamén no, ás veces longo e duro, proceso da dilatación e o traballo de parto é froito do compromiso e o traballo de moitas compañeir@s matronas (enfermeiras especialistas) enfrontadas á incomprensión e o recelo de parte (que moitos tamén comparten os obxectivos e o traballo) dos obstetras.
Avances sinxelos que melloran resultados tanto dende o aspecto cientifico-técnico como dende o aspecto da satisfacción SI constituen melloras eficientes da calidade que, se cadra, non veñen en certificados de AENOR ou son difíciles de "puntuar" no EFQM mais que deben encher de motivación a tódolos que sabemos cara onde queremos ir.

Confundir rasurado con episiotomía como fai o cadro ó pé do artigo non debera impedir ve-la realidade mais si resta certo 'brilo' a unha nova que en sí é positiva e que sería mellorable si a outra grande eiva (dende o meu punto de vista) a atención natal e postnatal como é a lactancia materna obtivera os mesmos resultados.