Seguridade do doente e Calidade: Manual para enfermeria baseado na evidencia

A Axencia para a calidade e a investigación sanitaria do goberno dos EEUU ven de publicar on-line un libro realmente interesante polo menos para min tanto polo tema que trata como polo enfoque metodolóxico e de plantexamento.

O libro chámase Seguridade do doente e Calidade: Manual para enfermeria baseado na evidencia.

E non trata o tema da seguridade do doente cun platexamento enfocado nos procesos nos que a atención sanitaria en sí mesma é o "factor de risco" de padecer un efecto adverso senon que aporta evidencias agrupadas en seccións sobre o "como" se fan os procesos (ou se deberan facer) e os condicionantes estruturais para que os procesos señan seguros. De especial interese me resulta o capítulo 40 sobre "Efectos da fatiga e a falta de sono sobre o traballo das enfermeiras e a seguridade do doente"(.PDF 278 Kb.) que pon o foco na ferida do traballo a turnos, a nocturnidade e o estress e a carga de traballo que sufre a nosa profesión e como pode afectar á seguridade do doente ;mais aínda vindo dun pais no que a prestación sanitaria está en mans privadas ou en centros de beneficencia.

O certo é que a turnicidade, sobre todo aquela que implica mais de unha quenda de noite semanal (>50 noites/ano) non se atopa recoñecida dabondo nin crematisticamente nin dende o punto de vista da seguridade laboral pois é escasa a atención que os servicios de prevención de riscos prestan sobre os problemas causados pola alteración do patrón sono-vixilia e ainda son menos os esforzos adicados a concretar no posible as consecuencias deses efectos sobre a seguridade do doente.

A ver si saio do atolladero e podo remata-las traduccions que teño a medias e facer alguha deste libro.